सत्यनिरुपण विधेयकको सहमति खोज्न सात सदस्यीय कार्यदल गठन

संसद्को मानव अधिकार समितिको बैठकले कार्यदल गठन गरेको हो।

नेपाल समय | बुधबार, भदौ २९, २०७९

नेपाल समय

बुधबार, भदौ २९, २०७९

सत्यनिरुपण विधेयकको सहमति खोज्न सात सदस्यीय कार्यदल गठन

काठमाडौं– सत्यनिरुपण तथा मेलमिलापसम्बन्धी विधेयकमा सहमति खोज्न सात सदस्यीय कार्यदल गठन भएको छ। संसद्को मानव अधिकार समितिको बैठकले कार्यदल गठन गरी ४ बजेसम्म छलफलमार्फत सहमति गर्न समय पाएको हो।

कार्यदलमा एमालेबाट शेरबहादुर तामाङ र विमला विक, कांग्रेसबाट मीन विश्वकर्मा र अतहरकमाल मुसलमान, माओवादी केन्द्रबाट देव गुरुङ र वर्षमान पुन तथा लोसपाबाट लक्ष्मणलाल कर्ण सदस्य रहेका छन्।

समितिको पूर्ण बैठक अपराह्न ४ बजे बस्नेछ। त्यतिबेलासम्म मस्यौदामा सहमति जुटाउने मुख्य जिम्मेवारी कार्यदललाई तोकिएको छ। समितिबाट यो विधेयक पारित गरेर बुधबार नै प्रतिनिधिसभामा विधेयकको प्रतिवेदन पेस गर्ने सरकारको तयारी छ।

एमालेले द्वन्द्वकालीन समयका हत्यालाई गम्भीर मानव अधिकार उल्लंघनभित्र राखेर परिभाषित गर्नुपर्ने अडान लिएपछि विधेयकमा सहमति जुट्न सकेको छैन।

प्रकाशित: Sep 14, 2022| 13:19 बुधबार, भदौ २९, २०७९