साफमा भारतको पहिलो हार, बंगलादेशले गर्‍यो ३ गोल

बंगलादेशलाई जित दिलाउन मोसाम्मत सिरात जाहन सोप्नाले दुई गोल गरिन्। यस्तै श्रीमोती सरकारले पनि एक गोल योगदान गरिन्।

नेपाल समय | मंगलबार, भदौ २८, २०७९

नेपाल समय

मंगलबार, भदौ २८, २०७९

साफमा भारतको पहिलो हार, बंगलादेशले गर्‍यो ३ गोल

काठमाडौं- छैटौं संस्करणको महिला साफ च्याम्पियनसिप फुटबलमा भारतले पहिलोपटक हार व्यहोरेको छ। भारतलाई ३-० ले पराजित गर्दै बंगलादेशले सेमिफाइनलमा स्थान पक्का गरेको हो।

साविक विजेताविरुद्ध १२औं मिनेटमा बंगालदेशकी सोप्नाले, सरकारले २२औं मिनेटमा र ५३औं मिनेटमा सोप्नाले दोस्रो गोल गरेकी थिइन्। जवाफमा भारतले कुनै पनि गोल फर्काउन सकेन।

समूह विजेता बनेको बंगलादेशले समूह 'ए' मा ३ खेलमा ९ अंक जोडेको छ। भारत ३ खेलमा ६ अंक जोडेर समूह उपविजेता बन्दै अन्तिम चारमा पुगेको छ।

सेमिफाइनलमा बंगलादेशले भुटानको सामना गर्नेछ। भारतले नेपालको सामना गर्नेछ। समूह 'बी' मा नेपाल समूह विजेता र भुटान उपविजेता बन्दै सेमिफाइनलमा पुगेको हो।