एसिया कप छनोटमा नेपालको लगातार दोस्रो हार

काठमाडौं- सोमबार राति नेपाली यू-२० टिमले कतारको यू-२० टिमसँग ३-१ को हार बेहोरेको छ। बहराइनमा जारी यू-२० एसिया कप छनोटमा नेपालले लगातार दोस्रो हार बेहोरेको हो।

शेख अलि विन मोहम्मद अल खलिफा रंगालामा नेपालले पहिलो हाफमा  दुई गोलको सामना गरेको थियो भने दोस्रो हाफमा कतारले एक गोल थप्यो। त्यस्तै, ७६ औं मिनेटमा जासिमल मोहम्मदले आफ्नै पोस्टमा गोल गरेपछि नेपालको खातामा एक गोल देखिएको छ।

यता कतारका लागि मोहम्मद मन्सुर अली र मोहम्मद सुरागले गोल गर्दै अग्रता दिलाएका थिए। त्यस्तै खेलको ६०औं मिनेटमा राशिख अब्दुलाजिजले कतारको लागि तेस्रो गोल गरेका थिए। यससँगै नेपालको हार निश्चित भएको थियो।

अब नेपालले अर्को खेलमा आयोजक बहराइनसँग पनि खेल्नेछ। यो खेल आउँदो बुधबार यहि शेख अलि विन मोहम्मद अल खलिफा रंगशालामा हुनेछ। त्यस्तै, नेपालले चौथो तथा अन्तिम खेलमा बंगलादेशसँग आउँदो आइतबार खेल्ने तालिका रहेको छ।

यो समूहको विजताले अर्को वर्ष उज्वेकिस्तानमा हुने एसिया कपमा स्थान बनाउने छ। तर नेपालले पहिलो खेलमा भुटान र दोस्रो खेलमा कतारसँग हार बेहोरेर आफ्नो सम्भावना कम बनाइसकेको छ।