एएफसी यू–२० मा नेपाल र कतार भिड्दै

बहराइनमा जारी एएफसी यू–२० एसियन कप छनोटको दोस्रो खेलमा नेपालले आज बलियो टोली कतारसँग खेल्दैछ। खेल नेपाली समयअनुसार राति ११ः४५ बजेबाट सुरु हुनेछ।

नेपाल समय | सोमबार, भदौ २७, २०७९

नेपाल समय

सोमबार, भदौ २७, २०७९

काठमाडौं– बहराइनमा जारी एएफसी यू–२० एसियन कप छनोटको दोस्रो खेलमा नेपालले आज बलियो टोली कतारसँग खेल्दैछ। खेल नेपाली समयअनुसार राति ११ः४५ बजेबाट सुरु हुनेछ।

पहिलो खेलमा कमजोर मानिएको भुटानसँग २–० ले पराजित भएको नेपाललाई आजको खेल जित्नैपर्ने दबाब रहेको छ। कतारले भने आज पहिलो खेल खेल्न लागेको हो।

समूह बी मा रहेको नेपाल र कतारले अंक जोड्न सकेका छैनन्। नेपाल पुछारमा रहँदा कतार चौथो स्थानमा रहेको छ। समूहमा नेपालसहित कतार, भुटान, आयोजक बहराइन र बंगलादेश छन्। नेपालले बिहीबार बहराइनसँग खेल्नेछ भने अन्तिम खेलमा बंगलादेशसँग आइतबार खेल्नेछ। समूह विजेता हुने टिमले सन् २०२३ मा उज्वेकिस्तानमा आयोजना हुने यू–२० एसियन कपमा स्थान बनाउनेछ।