यूएस ओपनको उपाधि १९ वर्षे कार्लोसलाई

काठमाडौं- अमेरिकाको न्यूयोर्कमा सम्पन्न युएस ओपनको उपाधि १९ वर्षे स्पेनिस कार्लोस अल्काराजले जितेका छन्। फाइनलमा कार्लोसले नर्वेका कास्पर रुडलाई ६-४,२-६,७-६ ७-१ र ६-३ को सेटमा पराजित गरेका हुन्। 

कार्लोसको यो पहिलो युएस ओपन उपाधि हो। महिला तर्फको उपाधि भने शनिबार राती भएको खेलमा विश्व नम्बर एक इगा स्वेटेकले जितिसकेकी छिन्।

१९ वर्षे कार्लोस सन् २००५ मा राफेल नाडालले उपाधि जितेपछि सबैभन्दा कान्छो उमेरमा उपाधि जित्ने खेलाडी पनि बनेका छन्। 

उपाधि जितेपछि कार्लोसले यो उपाधि जित्नु सानैदेखीको सपना भएको बताए। उनले भने, ‘यो उपाधिको बारेमा म सानैदेखी सोच्ने गर्थे। मलाई यो उपाधि जसरी पनि जित्नु थियो, किनकि यो मेरो सपना हो। म सानो हुँदा विश्व नम्बर एक बन्ने र ग्रान्डस्लाम जित्ने सपना देख्थे। जसलाई मैले आज पुरा गरेको छु, म अत्यन्तै खुसी छु। मैले जुन किसिमको कडा मेहनत गरेर यो उपलब्धि हासिल गरेको छु, यो मेरो लागी धेरै विशेष छ।’