अन्तरजिल्ला स्तरीय असल अभ्यासको आदान प्रदान

डोटी- जिल्लामा गरेका असल अभ्यासको आदान प्रदान गर्दै अन्तरजिल्ला स्तरीय सुरक्षा तथा समन्वय बैठक बझाङ जिल्लाको वित्थडचिर गाउँपालिकामा शुक्रबार सम्पन्न भएको छ। 

सुदूरपश्चिम प्रदेशका पाँच पहाडी जिल्लाका प्रमुख जिल्ला अधिकारी, नेपाल प्रहरी, नेपाली सेना, ससस्त्र प्रहरी र राष्ट्रिय अनुसन्धान प्रमुखको सहभागितामा सम्पन्न समन्वय बैठमा जिल्लाले गरेका असल अभ्यासको आदान प्रदान गर्नुका साथै सबै जिल्लाका साझा सवालहरुको बारेमा ब्यापक छलफल गरी बैठक सम्पन्न भएको डोटीका प्रमुख जिल्ला अधिकारी कल्पना श्रेष्ठले बताइन्। 

बैठकमा सबै जिल्लाको साझा सवाल राजमार्ग सञ्चालन, अन्तरजिल्ला स्तरीय शान्ति सुरक्षा ब्यवस्थापन, ट्राफिक ब्यवस्थापन, विपत ब्यवस्थापन, लागूऔषध नियन्त्रण, आसन्न निर्वाचनलाई सहयोग लगायत विषयमा छलफल गरिएको थियो।

समन्वय बैठकले एक अर्को जिल्लाबीचको सम्बन्धलाई सुमधुर बनाउन सहयोग मिलेको डडेलधुरा जिल्लाका प्रमुख जिल्ला अधिकारी मोहनराज जोशीले बताए। बैठकमा चाडबाडको समयमा शान्ति सुरक्षालाई ब्यवस्थित गर्ने, सिमा नाकामा हुने घटनाको बारेमा समन्वय गर्ने, चोरी तस्करी नियन्त्रण गर्ने लगाएतका विषय बस्तुको बारेमा समेत छलफल भएको उनको भनाइ छ।

सुदूरपश्चिम प्रदेश सरकार मुख्यमन्त्री तथा मन्त्रीपरिषद कार्यालयका मुख्य सचिब नारायण प्रसाद ढवाडीको प्रमुख आथित्यमा सम्पन्न भएको बैठकमा सुदूरपश्चिम आन्तरीक मामीला तथा कानुन मन्त्रालयका सचिब कमल बहादुर ढकाल, सुदूरपश्चिमका पहाडी जिल्ला डोटी, डडेलधुरा, बैतडी, दार्चुला र बझाङका सुरक्षा निकाए प्रमुखको सहभागिता रहेको थियो।