युवा कार्यालय स्थापना गर्ने संयुक्त राष्ट्र संघ महासभाको निर्णय

काठमाडौं- संयुक्त राष्ट्रसङ्घको महासभाले युवा कार्यालय स्थापना गर्ने प्रस्ताव पारित गरेको छ।बिहीबार संयुक्त राष्ट्रसङ्घले युवा कार्यालय स्थापन गर्ने प्रस्ताव पारित गरेको हो।    

मतदान बिना पारित गरिएको प्रस्तावले युवा कार्यालयले शान्ति र सुरक्षा, दिगो विकास र मानव अधिकारको क्षेत्रमा संयुक्त राष्ट्र सङ्घमा युवा मुद्दाहरूको प्रगतिको लागि संलग्नता र वकालतको नेतृत्व गर्ने र विश्व निकायको काममा युवा र युवा–नेतृत्व र युवा–केन्द्रित संगठनहरूको अर्थपूर्ण, समावेशी र प्रभावकारी संलग्नतालाई बढावा दिने अपेक्षा गरिएको छ।

युवा कार्यालयलाई युवाको प्रभावकारी र अर्थपूर्ण संलग्नता, सहभागिता र सशक्तिकरणलाई बढावा दिन सदस्य राष्ट्रहरूलाई संयुक्त राष्ट्रसङ्घको सहयोगसहित युवा मुद्दाहरूको प्रगतिमा संयुक्त राष्ट्रसङ्घ प्रणाली–व्यापी सहयोग, समन्वय र जवाफदेहीतालाई प्रोत्साहित गर्ने जिम्मेवारी पनि दिइएको छ।