भारतले हरायो पाकिस्तानलाई

काठमाडौं- त्रिपुरेश्वरस्थित दशरथ रंगशालामा जारी साफ महिला च्याम्पियनसिप प्रतियोगितामा भारतले पाकिस्तानलाई पराजित गरेको  छ। तीन गोल गरेको भारतले कुनै पनि गोल नखाई पाकिस्तानलाई पराजित गरेको हो। 

समूह 'ए'को पहिलो खेलमा भारतको जितका लागि २०औं मिनेटमा कप्तान मारिया खानले आत्मघाती गोल गरिन्।

त्यसपछि खेलको २३औं मिनेटमा ग्रेस डाङमेईले गोल गर्दै भारतलाई २-० को अग्रता दिलाइन्। अतिरिक्त समयको अन्त्यतिर सोउमिया गुगुलोथ ले गोल गर्दै ३-० को जित पक्का गराइन्। 

खेलको अधिकांश समय बल आफ्नो पक्षमा राखेको भारतले थप गोल गर्न सकेन।