दुई सिरिज जितेर स्वदेश फर्कियो नेपाली टिम, सन्दीप सीपीएलपछि मात्र आउने

काठमाडौं– कप्तानबिनै नेपाली राष्ट्रिय फुटबल टिम स्वदेश फर्किएको छ। नेपाली टिम आज बुधबार बिहान साढे ९ बजे नेपाल आइपुगेको हो।

यही भदौ ६ गते केन्या प्रस्थान गरेको नेपाली टिमले त्यहाँबाट एकविसीय सिरिज र टी २० सिरिज जितेर नेपाल फर्किएको हो।

नेपालले टी २० सिरिजमा ३–२ को जित निकालेको थियो भने एकदिवसीय सिरिज क्लिनस्विप गरेको थियो।

तर नेपाली टिमका कप्तान सन्दीप लामिछाने भने टिमसँगै नेपाल फर्किएनन्। उनी टी २० सिरिजपछि नै सिपिएल खेल्नका लागि क्यारेबियन क्षेत्र पुगिसकेका छन्।

‘मचाहिँ नेपाली टिमसँग फर्किन्नँ। टी २० सिरिजपछि नै सीपिएल खेल्नका लागि त्यता जानेछु। सिपिएलपछि नै नेपाल फर्किने योजना छ,’ केन्या जानुअघि आयोजित पत्रकार सम्मेलनमा सन्दीपले भनेका थिए।