पहिलो हाफ : साबित्राको गोलमा नेपाललाई अग्रता

काठमाडौं- महिला साफ च्याम्पियनसिप २०२२ को उद्घाटन खेलको पहिलो हाफमा नेपालले अग्रता बनाएको छ।

दशरथ रंगशामामा जारी खेलमा नेपालको लागि १२ औं मिनेटमा सबित्रा भण्डारीले गोल गरिन्। उनको गोलले बनाएको अग्रता जोगाउँदै नेपाल पहिलो हाफमा एक गोलले अगाडि हो।

दशरथ रंगशालामा धेरैपछि फुटबलको माहोल देखिएको हो। रंगशालामा फुटबल फर्काउन दक्षिण एसियाली फुटबल संगठन साफ र अखिल नेपाल फुटबल संघ एन्फाले च्याम्पियनसिप आयोजना गरेको हो।

दक्षिण एसियामा कोभिड–१९को महामारीपछिकै सबैभन्दा ठूलो फुटबल प्रतियोगिता मंगलबार सुरु भएको हो। क्षेत्रीय स्तरको प्रतियोगितामा सबैभन्दा मुख्य कुरा यसका सातै सदस्यले भाग लिएका छन्। 

यो प्रतियोगितामा केही नयाँ गर्ने हुटहुटीका साथ भुटानको टिम दुई हप्ताअघि नै काठमाडौं आइपुगेको छ। दशरथ रंगशामामा जारी खेलमा नेपालको लागि १२ औं मिनेटमा सबित्रा भण्डारीले गोल गरिन्। उनको गोलले बनाएको अग्रता जोगाउँदै नेपाल पहिलो हाफमा एक गोलले अगि रहेको हो।