३० भदौदेखि खुलाइँदै म्यादी प्रहरी भर्ना

म्यादी प्रहरी छनोट तालिकाअनुसार २६ भदौमा राष्ट्रिय दैनिक पत्रिकामा सूचना प्रकाशन गरी ३० भदौदेखि ६ असोजसम्म आवेदन खुलाइने भएको हो।

नेपाल समय | मंगलबार, भदौ २१, २०७९

नेपाल समय

मंगलबार, भदौ २१, २०७९

काठमाडौं– सरकारले आगामी ४ मंसिरमा एकैसाथ हुने प्रतिनिधिसभा र प्रदेशसभा सदस्य निर्वाचनका लागि आवश्यक म्यादी प्रहरी भर्नाका लागि ३० भदौदेखि आवेदन खुलाउने भएको छ।

म्यादी प्रहरी छनोट तालिकाअनुसार २६ भदौमा राष्ट्रिय दैनिक पत्रिकामा सूचना प्रकाशन गरी ३० भदौदेखि ६ असोजसम्म आवेदन खुलाइने भएको हो। आवेदन दिएकालाई ७ असोजसम्म सम्पर्क गर्न आग्रह गरिनेछ।

तालिकाअनुसार ९, ११, १२, १३ र १४ असोजभित्र म्यादी प्रहरी छनोट प्रक्रिया पूरा गरिनेछ। २५ असोजमा नतिजा प्रकाशन गरिनेछ भने २७ र २८ असोजमा नियुक्तिपत्र वितरणको तयारी थालिनेछ।

३० असोजमा नियुक्तिपत्र वितरण गरिनेछ भने म्यादी प्रहरीको तालिम सुरु हुनेछ। ८ कात्तिकमा तालिम सम्पन्न गरी ९ कात्तिकमा युनिफर्ममा प्रहरीसँग डिउटीमा खटाइनेछ। चुनाव सम्पन्न भएपछि ८ मंसिरमा म्यादी प्रहरीलाई बिदा गरिनेछ।

प्रकाशित: Sep 06, 2022| 11:25 मंगलबार, भदौ २१, २०७९