काठमाडौं- नेपालले घरेलु टोली केन्याविरुद्धको तीन खेलको एकदिवसीय सिरिज क्लिन स्विप गरेको छ। सोमबार भएको अन्तिम खेलमा समेत ६ विकेटको जित नियकालेपनि नेपालले क्लिन स्विप गरेको हो।
नेपालले केन्याविरुद्धका दुवै सिरिजमा नेपाल विजयी भएको छ। नेपालले यसअघि ५ खेलको टी-ट्वान्टी अन्तराष्ट्रिय सिरिज पनि नेपालले जितेको थियो। यसमा तीन खेल जितेको नेपाल दुई खेलमा भने पराजित भएको थियो।
पछिल्लो खेलमा केन्याले नेपाललाई २५६ रनको लक्ष्य दिएको थियो। नेपालले ४७ ओभर १ बलमा मात्र ४ विकेट गुमाएर उक्त लक्ष्य पूरा गरेको थियो।
नेपालको जितमा अर्जुन साउद, आसिफ शेख र वसिर अहमदले अर्धशतकीय इनिङ खेले। अर्जुनले ५८ तथा आसिफले ५६ रन बनाए। वसिर ५२ रनमा अविजित रहे । यस्तै कप्तान रोहित पौडेलले अविजित रहदै ४६ रन बनाए। ज्ञानेन्द्र मल्ल ३३ रनमा आउट भए भने देव खनालले एक रन मात्र बनाए। केन्याका भिराज पटेलले २ तथा शेम एनगोचे र याश तालातीले १/१ विकेट लिएका थिए।
टस जितेर पहिले ब्याटिङ गरेको केन्याले ५० ओभरमा ९ विकेट गुमाएर २५५ रन बनाएको थियो। केन्याका कोलिन्स अबुयाले ८४ रन जोडे। लुकास एनडानडासन ५९ रन, सुखदिप सिंहले ३७ रन जोड्दा इमानुएल बुन्डीले २३ रन बनाए। कप्तान शेम एनगोचेले १७ रनमा आउट भएका थिए। नेपालका सोमपाल कामी र आदील अन्सारीले २/२ विकेट लिएका थिए। वसिर अहमद र शाहब आलमले १/१ विकेट लिए।
सिरिज अन्तर्गतकै पहिलो एकदिवसीयमा नेपालले केन्यालाई ७ विकेटले पराजित गरेको थियो। यस्तै दोस्रो एकदिवसीयमा १७ रनले विजयी भएको थियो।