काठमाडौं- साफ यू-१७ को उद्घाटन खेलमा साविक विजेता भारतले भुटानलाई पराजित गरेको छ। श्रीलंकाको रेसकोर्स रंगशालामा सोमबारबाट सुरु भएको खेलमा भारतले भुटानलाई ३-० गोलले पराजित गरेको हो।
भारतको जीतमा टाङ्लासुन गांग्टेले १०औँ र १६औँ मिनेटमा दुई गोल गरे। त्यस्तै कप्तान ग्वुइटीले ४८औँ मिनेटमा गोल गरेर टिमलाई जित दिलाए। समूह 'बी'मा रहेको भारतले पहिलो जितसँगै तीन अंक जोडेको छ।
सोमबार नै हुने दोस्रो खेलमा समूह 'ए'मा रहेको बंगलादेशले आयोजक श्रीलंकाविरुद्ध खेल्ने छ। खेल नेपाली समयअनुसार आठ बेज सुरु हुनेछ। प्रतियोगितामा नेपालले पहिलो खेल २२ भदौमा भुटानविरुद्ध खेल्नेछ। दोस्रो खेल भारतसँग २४ भदौमा खेल्नेछ।