काठमाडौं– भारतीय स्थल सेना प्रमुख जनरल मनोज पाण्डेले नेपालको मानार्थ सेनापतिको दर्ज्यानी चिह्न पाएका छन्। आज सोमबार राष्ट्रपति विद्यादेवी भण्डारीले सेनाध्यक्ष पाण्डेलाई राष्ट्रपति कार्यालय शीतलनिवासमा मानार्थ महारीको दर्ज्यानी चिह्न प्रदान गरेकी हुन्।
नेपाली सेना र भारतीय सेनाको परम्परामा एकअर्का देशका सेना प्रमुख परिवर्तन भएपछि मानार्थ महारथीको दर्ज्यानीचिह्न दिने प्रचलन छ। पाँच दिने औपचारिक भ्रमणका लागि भारतीय स्थल सेनाध्यक्ष पाण्डे आइतबार काठमाडौं आएका छन्।