नेपालले केन्याबाट पायो २५६ रनको लक्ष्य

काठमाडौं– केन्यामा जारी नेपाल–केन्या एकदिवसीय सिरिजमा केन्याले नेपाललाई २५६ रनको लक्ष्य प्रस्तुत गरेको छ। टस जितेर पहिले ब्याटिङ गरेको केन्याले पूरै ५० ओभर खेल्दै ९ विकेट गुमाएर २ सय ५५ रन बनायो।

नेपालका लागि सोमपाल कामीले १० ओभर बलिङ गर्दै ३६ रन दिएर २ विकेट लिए। आदिल अन्सारीले १० ओभरमा ५६ दिएर २ विकेट लिए। त्यस्तै साहब आलमले १० ओभरमा ५६ रन दिएर १ विकेट लिए भने बसिर अहमदले ९ ओभरमा ४७ रन दिएर १ विकेट लिए।

नेपालले आजको खेल जिते तीन एकदिवसीय सिरिज क्लिनस्विप गर्नेछ। तर नेपाल आज पराजित भए पनि सिरिज नेपालले जितिसकेको छ। नेपालले पहिलो एकदिवसीयमा केन्यालाई ७ विकेटले पराजित गरेको थियो भने दोस्रो खेलमा १७ रनले हराएको थियो।