एसिया कपमा पाकिस्तानसँग फेरि हार्‍यो भारत

काठमाडौं- युएईमा जारी एसिया कपको टप फोरमा भारत पराजित भएको छ। आइतबार राति दुबई रंगशालामा सुपर फोरको खेलमा पाकिस्तानले भारतलाई पाँच विकेटले हराएको हो।

टस हारेर ब्याटिङको निम्तो पाएको भारतले पुरा ओभर खेल्दै सात विकेट क्षतिमा १८१ रन बनाएको थियो। जवाफमा पाकिस्तानले एक बल बाँकी रहँदै पाँच विकेट गुमाएर १८२ रनको लक्ष्य पुरा गरेपछि जित निकालेको हो।

पहिलो पारीमा भारतका लागि विराट कोहलीले ६० रन बनाएका थिए। त्यस्तै, ओपनर द्वयले समान २८,२८ रन बनाउँदै ५४ रनको साझेदारी गरेका थिए।

यता पाकिस्तानका लागि शदब आलमले दुई विकेट लिएका थिए भने नसिम शाह, मोहम्मह हसनैन, हसिर राउफ र मोहम्मद नवाले पनि समान १/१ विकेट लिएका थिए।

यता जवाफी ब्याटिङमा मोहम्मद रिवजले ७१ रन बनाए भने मोहम्मद नवाजले ४२ रनको योगदान दिए। खेलमा इफितिखर अहमदले अन्तिममा दुई रन बनाएपछि पाकिस्तानले जित निकालेको हो।

यता भारतका लागि भुवनेश्वर कुमार, अर्षदिप सिंह, रवी विश्नोइ, हार्दिक पाण्ड्या र युजवेन्द्र चहलले समान १/१ विकेट लिएका थिए।