प्रतिनिधि सभा बैठक बस्दै, यस्ता छन् सम्भावित कार्यसूची

प्रतिनिधि सभाको बैठक आइतबार बस्दै छ। बैठक आइतबार दिउँसो १ बजे बस्ने तय भएको छ।

नेपाल समय | आइतबार, भदौ १९, २०७९

नेपाल समय

आइतबार, भदौ १९, २०७९

काठमाडौं- प्रतिनिधि सभाको बैठक आइतबार बस्दै छ। बैठक आइतबार दिउँसो १ बजे बस्ने तय भएको छ।

आइतबारको प्रतिनिधि सभा बैठकको सम्भावित कार्यसूचीमा कार्यव्यवस्था परामर्श समितिमा मनोनयन तथा हेरफेरको रहेको संघीय संसद सचिवालयले जनाएको छ।

बैठकमा सभामुख अग्नि प्रसाद सापकोटाले प्रतिनिधि सभा नियमावली, २०७५ को नियम १३ बमोजिम गठित कार्यव्यवस्था परामर्श समितिमा सदस्यहरूको मनोनयन गर्नेछन्।

यस्तै संघीय संसदको संयुक्त बैठक र संयुक्त समिति (कार्यसञ्चालन) नियमावली, २०७५ को नियम २५ र २७ बमोजिम गठित समितिहरूमा सदस्यहरूको नाम हेरफेर गर्ने कार्यसूची पनि समावेश छ।

सभामुख सापकोटाले प्रतिनिधि सभा नियमावली, २०७५ को नियम १७२ बमोजिम गठित विभिन्न समितिहरूमा सदस्यहरूको नाम हेरफेर गर्नेछन्।

प्रकाशित: Sep 04, 2022| 07:15 आइतबार, भदौ १९, २०७९