सुर्खेत-२ बाट हृदयराम थानीको नाम सिफारिस

काठमाडौं- नेपाली कांग्रेसका पूर्वकेन्द्रीय सदस्य हृदयराम थानीको नाम प्रतिनिधिसभा सदस्यका लागि सुर्खेत क्षेत्र नम्बर २ बाट सिफारिस भएको छ। 

शुक्रबार साँझ बसको क्षेत्रीय समितिको बैठकले उक्त क्षेत्रबाट थानीसहित श्याम भारती, टिएन जोशी, निरञ्जन केसी र कमलबहादुर खत्रीको नाम सिफारिस गरेको हो। 

समानुपातिकतर्फ भने शिवराज जोशी, जानकी सिंह, गोविन्द बहादुर मल्ल, साधना घिमिरे लोकबहादुर विश्वकर्मालगायत नेताको नाम सिफारिस गरेको छ। यो क्षेत्रको 'क' प्रदेशमा पूर्वजिल्ला सभापति कमलराज रेग्मी सहित ९ जनाको नाम सिफारिस भएको छ। अन्यमा कर्णबहादुर बुढा, कालीप्रसाद शाक्य, गोविन्द कोइराला, देवकुमार सुवेदीको नाम प्रत्यक्षका लागि सिफरिस भएको छ। 

त्यस्तै ख प्रदेशमा उपेन्द्र थापा,यज्ञबहादुर पाठक, दिपबहादुर रावतलगायतको नाम सिफारिस भएको छ। सुर्खेत क्षेत्र नम्बर १ बाट यसअघि नै उपसभापति पूर्णबहादुर खड्काको नाम सिफारिस भइसकेको छ। सुर्खेतमा दुईबाट निर्वाचन क्षेत्र हो।