काठमाडौं- नेपाली कांग्रेसले नेपाल राष्ट्र बैंकका पूर्वगभर्नर डा. चिरन्जिवी नेपाललाई प्रतिनिधिसभाको चुनावमा उम्मेदवारका लागि सिफारिस गरेको छ।
पाल्पा क्षेत्र नम्बर २ को क्षेत्रीय समितिले डा. नेपालसहित तीन जनालाई प्रतिनिधि सभाका लागि सिफारिस गरेको हो। क्षेत्रीय समितिले नेपालसहित प्रदेशमन्त्री विरबहादुर राना र पूर्वसासंद् हरिप्रसाद नेपाललाई सिफारिस गरेको हो।
चिरन्जिवि नेपाल सुशील कोइराला प्रधानमन्त्री हुँदा गभर्नर बनेका थिए। ५ वर्ष गभर्नरको कार्यकाल पूरा गरेपछि उनी पछिल्लो समय पाल्पा क्षेत्र नम्बर २ को राजनीतिमा सक्रिय छन्।