साफ च्याम्पियनसिप खेल्न जाने नेपाली टिमको बिदाइ

काठमाडौं– साफ यू–१७ च्याम्पियनसिपमा भाग लिन शुक्रबार श्रीलंका जान लागेको राष्ट्रिय यू–१७ टोलीलाई अखिल नेपाल फुटबल संघ (एन्फा)ले बिदाइ गरेको छ।

बिहीबार एन्फा कम्प्लेक्समा आयोजित विशेष बिदाई कार्यक्रममा प्रमुख अतिथि राष्ट्रिय खेलकुद परिषद्का उपाध्यक्ष शिवप्रसाद कोइराला, एन्फा अध्यक्ष पंकजविक्रम नेम्वाङ, उपाध्यक्ष विराटजंग शाही र दीपक खतिवडा, महासचिव किरण राई तथा सदस्यहरू रवीन्द्र चन्द, महेन्द्र क्षेत्रीलगायतको उपस्थिति थियो।

कार्यक्रमलाई प्रमुख अतिथि कोइराला, अध्यक्ष नेम्वाङ, उपाध्यक्ष खतिवडा र महासचिव राईले सम्बोधन गर्दै प्रतियोगिताको सफलताको शुभकामना व्यक्त गरेका छन्। 

टोली शुक्रबार दिउँसो १ बजे श्रीलंका जानेछ। प्रतियोगितामा नेपाल समूह 'बी'मा रहेको छ भने नेपालसँगै भारत र भुटानसमेत रहेका छन्।

यू १७ टिमका मुख्य प्रशिक्षक उर्जन श्रेष्ठले गत आइतबार प्रतियोगिताका लागि २४ खेलाडी फाइनल गरेका थिए। तर साफ यू–१७ च्याम्पियनसिपमा भाग लिन शुक्रबार श्रीलंका जाँदै गरेको टोलीमा समीर तामाङ परेनन्।

नेपाली टिमः

गोलकिपरः कृषाल मोक्तान, समीर चन्द, रुबिन बोगटी

डिफेन्डरः अश्विन घोरासैनी, सेमन्त थापा, उनेश बुढाथोकी, मदन पौडेल, दिपक थापा मगर, निशान्त तामाङ, युनिश मगर, विक्रम तामाङ, प्रीतम कार्की, धिरज विश्वकर्मा

मिडफिल्डरः प्रशान्त लक्षाम, मिराक लिङ्देन, सरोज दारलामी, हरिशराज भट्ट, लच्छु थापा

फरवार्डः निरज कार्की, धनसिंह विक, विनोद केसी, सिजल राई, सुवास बम