८६ सिट लिएर बाँडफाँट मिलाउन देउवाको निर्देशन

'लोसपालाई कांग्रेसकै भागबाट दिने गरी सिट बाँडफाँट मिलाउने विषयमा कुराकानी भएको छ,' कार्यदलका एक सदस्यले भने, 'उहाँहरुलाई पनि कांग्रेसकै भागबाट दिने गरी ८८ सिट लिन भन्नुभएको छ।'

नेपाल समय | बिहीबार, भदौ १६, २०७९

नेपाल समय

बिहीबार, भदौ १६, २०७९

८६ सिट लिएर बाँडफाँट मिलाउन देउवाको निर्देशन

काठमाडौं- कांग्रेसले ८६ सिट लिएर बाँकी सिटमा अन्य दललाई दिने गरी सिट बाँडफाँट मिलाउन नेपाली कांग्रेसका सभापति शेरबहादुर देउवाले निर्देशन दिएका छन्। बिहीबार कांग्रेसबाट प्रतिनिधित्व गर्ने कार्यदलका सदस्यहरुलाई प्रधानमन्त्री समेत रहेका देउवाले यस्तो निर्देशन दिएका हुन्।

देउवाले ८८ सिट लिन कार्यदलका सदस्यलाई भनेका छन्। दुई सिट भने लोकतान्त्रिक समाजवादी पार्टीका लागि छुट्याउन देउवाले भनेका छन्। राजेन्द्र महतो र महन्थ ठाकुरलाई एकएक सिट दिनुपर्ने देउवाको भनाइ छ।

बाँकी ७७ सिट गठबन्धनका अन्य दललाई दिनुपर्ने देउवाको भनाइ थियो।

प्रकाशित: Sep 01, 2022| 18:50 बिहीबार, भदौ १६, २०७९