सेरेना विलियम्सको लगातार दोस्रो जित

काठमाडौं– न्यूयोर्कमा जारी यूएस ओपन टेनिसमा टेनिस लिजेन्ड सेरेना विलियम्सले लगातार दोस्रो जित निकाल्दै प्रतियोगिताको तेस्रो चरणमा पुगेकी छन्।

उनले विश्व नम्बर २ एनेट कोन्टाभेटालाई ७–६, २–६, ६–२ को सेटमा पराजित गरिन्। २३ पटककी ग्रान्डस्लाम विजेता सेरेनाको यो प्रतियोगिता उनको करिअरको अन्तिम प्रतियोगिता पनि हो। उनले त्यसपछि संन्यास लिने बताइसकेकी छन्।

उनी अहिले ४० वर्ष पुगेकी छन्। अब उनले तेस्रो चरणमा अष्ट्रेलियाकी अज्ला टोम्ल्जानोविचसँग खेल्ने छिन्।