निलम्बित प्रधानन्यायाधीश राणासँग दोस्रो दिनको बयान लिइँदै

निलम्बित प्रधानन्यायाधीश चोलेन्द्रशमशेर जबराले प्रतिनिधिसभाको महाअभियोग सिफारिस समितिसमक्ष आज पनि बयान दिन सुरू गरेका छन्।

नेपाल समय | बिहीबार, भदौ १६, २०७९

नेपाल समय

बिहीबार, भदौ १६, २०७९

निलम्बित प्रधानन्यायाधीश राणासँग दोस्रो दिनको बयान लिइँदै

काठमाडौं- निलम्बित प्रधानन्यायाधीश चोलेन्द्रशमशेर जबराले प्रतिनिधिसभाको महाअभियोग सिफारिस समितिसमक्ष आज पनि बयान दिन सुरू गरेका छन्। बुधबार पहिलो दिन विषय मात्र प्रवेश भएको र प्रश्न धेरै भएकाले जबरालाई बिहीबार ११ बजे पुनः बोलाइएको थियो।

बुधबार उनीमाथिका ४३ प्रश्नमध्ये जबराले चार वटाको जवाफ दिएका थिए। बाँकी प्रश्नको जवाफ आज दिने छन्।

प्रतिनिधि सभाले साउन १५ मा राणाविरुद्धको महाअभियोगको प्रस्ताव समितिमा पठाउने निर्णय गरेको थियो।

सत्तारुढ दलले २१ आरोपसहित राणाविरुद्ध गएको फागुनमा महाअभियोग प्रस्ताव संसदमा दर्ता गराएका थिए।

राणाले मन्त्रिपरिषद र संवैधानिक नियुक्तिमा भागबण्डा खोजेको, कार्यकारीसँग सौदाबाजी गरेको, आर्थिक राजनीतिक मुद्दामा बेञ्च सेटिंग गरेको, भ्रष्टाचार गरेको जस्ता आरोप छन्।

प्रकाशित: Sep 01, 2022| 12:28 बिहीबार, भदौ १६, २०७९