काठमाडौं– प्रदर्शनका लागि नेपाल ल्याइएको आईसीसी टी–२० विश्वकप ट्रफी प्रदर्शनका लागि प्रधानमन्त्री निवास बालुवाटार लगिएको छ। क्रिकेट खेलाडीहरुले उक्त ट्रफी प्रधानमन्त्री शेरबहादुर देउवालाई अवलोकन गराउन बुधबार दिउँसो बालुवाटार लगेका हुन्।
त्यसअघि सो ट्रफी भक्तपुर दरबार स्क्वायरमा प्रदर्शन गरिएको थियो। ट्रफी प्रदर्शनीमा नेपाली टिमका पूर्वकप्तान विनोद दास, खेलाडीहरु शरद भेषावकर, महबुब आलम, रुबिना क्षेत्री तथा कलाकार सरोज खनाललगायत उपस्थित थिए।
टी–ट्वान्टी विश्वकपको ट्रफी पहिलो पटक नेपाल ल्याइएको हो। यसअघि सन् २०१८ मा भने एकदिवसीय विश्वकपको ट्रफी नेपाल ल्याइएको थियो।