सुदूरपश्चिम प्रदेशका भौतिक पूर्वाधार राज्यमन्त्री बर्खास्त

सुदूरपश्चिम प्रदेश सरकारका भौतिक पूर्वाधार राज्यमन्त्री कुलवीर चौधरीलाई मन्त्रीबाट हटाइएको छ। चौधरी गत २५ चैत राज्यमन्त्री नियुक्त भएका थिए।

नेपाल समय | बुधबार, भदौ १५, २०७९

नेपाल समय

बुधबार, भदौ १५, २०७९

सुदूरपश्चिम प्रदेशका भौतिक पूर्वाधार राज्यमन्त्री बर्खास्त

काठमाडौं– सुदूरपश्चिम प्रदेश सरकारका भौतिक पूर्वाधार राज्यमन्त्री कुलवीर चौधरीलाई मन्त्रीबाट हटाइएको छ। चौधरी गत २५ चैत राज्यमन्त्री नियुक्त भएका थिए।

नेकपा एकीकृत समाजवादीको तर्फबाट राज्यमन्त्री बनेका चौधरीलाई पार्टी गतिविधिविपरीत काम गरेको आरोपमा पार्टीको सिफारिसमा मुख्यमन्त्री त्रिलोचन भट्टले पदमुक्त गरेका हुन्।

राज्यमन्त्री चौधरी नेकपा एमालेमा प्रवेश गर्न लागेपछि एसले उनलाई बर्खास्त गरेको हो। उनी आज नै पुनः एमालेमा फर्कन लागेका छन्।

प्रतिनिधिसभा सदस्य विना बुढाथोकी, नेकपा एकीकृत समाजवादीका निवर्तमान सुदूरपश्चिम अध्यक्ष विक्रम शाही, पूर्वमन्त्री तारा लामा तामाङ, वेदकोट नगरपालिकाका पूर्व मेयर अशोक चन्द, नेता वीरबहादुर बुढाथोकीलगायत नेता एकीकृत समाजवादी त्यागेर पुनः एमालेमा फर्कंदैछन्।

उनीहरूलाई पार्टी प्रवेश गराउन एमाले अध्यक्ष केपी ओली कञ्चनपुर पुगेका छन्। माओवादी केन्द्रबाट पनि नेताहरु शंकर दत्त जोशी, मोहन गिरीलगायत एमाले प्रवेश गर्दैछन्।