युएस ओपनमा नाडालको विजयी सुरुआत

काठमाडौं– तीन वर्षपछि युएस ओपनमा फर्किएका राफेल नाडालले विजयी सुरुआत गरेका छन्। न्युयोर्कमा भएको खेलको पहिलो सेट अप्रत्यासित रूपमा गुमाएका नाडालले त्यसपछिको खेलमा पुनरागमन गर्दै जित निकाल्न सफल भए। 

ग्रान्डस्लाभमा डेब्यु गरेका नाडालका प्रतिस्पर्धी रिन्की हिजीकाटालाई ४–६,६–२,६–३ र ६–३ सेटमा पराजित गरे। अब नाडालले दोस्रो चरणमा फाबियो फोगिनीसँग खेल्नेछन्।

जितपछि मिडियासँग कुरा गर्दै नाडालले केही समयका लागि आफू खेल्न नसक्ने हो कि जस्तो लागेको बताए। 

उनले भने, ‘म यहाँ नखेलेको पनि धेरै वर्ष भइसकेको थियो। त्यसैले मैले फर्कन सक्दिनँ कि भनेर सोचें। तर यहाँ आएर  पहिलो खेल जितें। यो मेरा लागि खुसीको कुरा हो। मैले पछिल्ला ५० दिनमा धेरै खेलेको छैन। त्यसैले मैले व्यवहारमा नम्र भएर सकारात्मक चीज निर्माण गर्ने प्रक्रियालाई स्वीकार गर्नुपर्छ। मैले म यहाँ मजा लिइरहेको छु र हरेक दिन सक्दो प्रयास गर्नेछु।’