काठमाडौं- ह्यारी केनले दोहोरो गोल गरेपछि इंग्लिस प्रिमियर लिग(ईपीएल) मा आइरतबार राति टोटेनहम हट्स्परले जित निकालेको छ। नटम फरेस्टको सिटी ग्राउन्डमा सम्पन्न खेलमा टोटेनहमले २-० को जित निकालेको हो।
खेलमा टोटेनहमका ह्यारी केनले पाँचौँ र ८१औं मिनेटमा गोल गरेका थिए। यता खेलमा ५६ प्रतिशत समय बलमा नियन्त्रण बनाए पनि नटम फरेस्टले गोल गर्न भने सकेन।
गएरातिको जितसपछि टोटेनहम तालिकाको तेस्रो स्थानमा पुगेको छ। उसले चार खेलबाट १० अंक बनाएको हो। लिगको शीर्षस्थानमा रहेका आर्सनलले मात्र चार खेलबाट पुरा अंक बटुलेको छ।
गएरातिकै अर्को खेलमा भने वेस्टह्यामले एस्टन भिल्लामाथि १-० जित दर्ता गरेको छ। त्यस्तै, उल्भरह्याम्टनको मैदानमा सम्पन्न खेलमा भने न्युकासलले घरेलु टिमसँग १-१ को बराबरी खेलेको छ।