काठमाडौं- नेयमारको गोलमा पेरिस सेन्ट जर्मेन पीएसजी मोनाकोसँग हारबाट जोगिएको छ। पीएसजीकै पार्क डेस प्रिन्सेस रंगशालामा सम्पन्न खेलमा पीएसजीले बराबरी खेल्दै हार टारेको हो।
अलेक्जेन्डर गोलोविनले दिएको पासलाई सदुपयोग गर्दै केभिन भोल्लान्डले गोल गरेका थिए। त्यो गोलसँगै २० औं मिनेटमै मोनाकोले पीएसजीलाई पछि पारेको थियो। तर खेलको ६७ औं मिनेटमा पीएसजीका डिफेन्डर रामोसले पेनाल्टी जितेका थिए।
पेनाल्टीमा नोयमारले गोल गरेसँगै पीएसजीले बराबरी गरेका हुन्। यो बराबरीसँगै चार खेलबाट १० अंक बनाएको पीएएसजी शीर्षस्थानमा कायम छ। मोनाको भने पाँच अंकका साथ १२औं स्थानमा छ। गएराति नै सम्पन्न भएको खेलमा मार्सेले निसलाई ३-० ले हराएको छ।