काठमाडौं– यही भदौ २५ गतेबाट नेपालमा सुरु हुने साफ च्याम्पियनसिपका लागि नेपाली टिमको घोषणा भएको छ। राष्ट्रिय महिला टिमका मुख्य प्रशिक्षक कुमार केसीले नेपाली महिला टिम घोषणा गरेका हुन्।
नेपाली टिमकी कप्तान रेनुका नगरकोटी चोटका कारण टिममा नरहेपछि अहिले नेपाली टिम कप्तान विहीन अवस्थामा रहेको छ। त्यस्तै, यो पटकका नेपाली टिममा तीन नयाँ खेलाडीले अन्तिम टिममा अवसर पाएका छन्।
सिनियर टिममा पहिलो पटक अवसर पाउनेमा अमिसा कार्की, समिक्षा घिमिरे र दिपा शाही रहेका छन्। प्रतियोगिता नेपाल भुटान र श्रीलंकासँग समूह बीमा रहेको छ।
यी हुन् नेपाली टिमका २३ खेलाडीः
गोकिपरः एन्जिला तुम्बाप्पो, अन्जना राना मगर र उषा नाथ
डिफेन्डरः हिरा कुमारी भुजेल, अमृता जैशी, गीता राना, पुनम जर्घा मगर, निशा थोकर, समीक्षा घिमिरे र विमला विके
मिडफिल्डरः विमला चौधरी, मन्जली कुमारी योन्जन, प्रीति राई, सरु लिम्बू, दिपा राई, दिपा शाही, इन्दिरा राई, अनिता बस्नेत, अनिता केसी
फरवार्डः अमिषा कार्की, रेखा पौडेल, सावित्रा भण्डारी, रश्मि कुमारी घिसिङ