केन्याले नेपाललाई दियो १५७ रनको लक्ष्य

काठमाडौं– नेपाल र केन्याबीच भइरहेको खेलमा केन्याले नेपाललाई १५७ रनको लक्ष्य दिएको छ। टस जितेर पहिले ब्याटिङ रोजेको केन्याले पूरा ओभर खेल्दै दुई विकेट गुमाएर १५६ रन बनायो।

नेपालका लागि सोमपाल कामी र आदिल अन्सारीले एक एक विकेट लिए। चार ओभर बलिङ गरेका सन्दीप लामिछानेले ४२ रन दिएर विकेटविहीन रहे। त्यस्तै दिपेन्द्र सिंह ऐरीले ३ ओभर बलिङ गर्दै ३१ रन दिएर विकेटविहीन रहे।

आजको खेलमा नेपालका युवा विकेट किपर अर्जुन साउदले डेब्यु गरेका छन्। केन्याका लागि राकिप पटेल र इरफान पटेलले अर्धशतक बनाए।

पाँच सिरिजको खेलमा नेपाल र केन्या १–१ को बराबरीमा छन्।

नेपालको प्लेइङ ११ मा सन्दीप लामिछाने, रोहित पौडेल, अर्जुन साउद, आरिफ शेख, दीपेन्द्रसिंह ऐरी, आदिल अन्सारी, करण केसी, ज्ञानेन्द्र मल्ल, सोमपाल कामी, साहब आलम र पवन सराफ  छन्।