बराबरीमा रोकियो बायर्न, डर्टमन्डको संघर्षपूर्ण जित

काठमाडौं- जर्मन शीर्ष डिभिजनको फुटबल बुन्डेसलिगाको उपाधि दाबेदार बायर्न म्युनिख बराबरीमा रोकिएको छ। शनिबार राति बायर्नकै मैदानमा सम्पन्न खेलमा बायर्न पाहुना टिम मोन्छेनग्लाडबाखसँग १–१ को बराबरीमा रोकिएको हो।

खेलको पहिलो हाफमा मार्कस थुरमले गोल गर्दै ग्लाडबाखलाई अग्रता दिलाएका थिए। तर निर्धारित समयको सात मिनेट बाँकी रहँदा बायर्नका लिरोय सानेले गोल गर्दै बायर्नलाई हारबाट जोगाएका थिए।

शनिबार रातिकै खेलमा भने बोरुसिया डर्टमन्डले हेर्था बर्लिनलाई उसकै मैदानमा हराएको छ। एन्थोनी मोडेस्टले खेलको ३२औं मिनेटमा गोल गरेपछि बनाएको अग्रता जोगाउँदै डर्टमन्डले जित निकालेको हो।

यो जितसँगै चार खेलबाट ९ अंक बनाएको डर्टमन्ड पाँचौ स्थानमा छ भने १० अंक भएको बायर्न तालिकाको शीर्षस्थानमा छ। चार खेलमा दुई हार बेहोरिसकेको ग्लाडबाल छैटौं स्थानभन्दा माथि पुग्न सकेको छैन।

हेर्था बर्लिन भने रेलिगेसन जोनमा संघर्ष गरिरहेको छ। गए रातिनै सम्पन्न भएको खेलमा होफेनहामइम र लिभरकुसनले पनि जित निकालेका छन्।