बर्नेमाउथको पोस्टमा लिभरपुलको नौ गोल

काठमाडौं- इंग्लिस प्रिमियर लिगअन्तर्गत शनिबार राति सम्पन्न भएको खेलमा लिभरपुलले पाहुना टिम बर्नेमाउथको पोस्टमा नौ गोल गरेको छ। एनफिल्ड रंगशालामा पहिलो हाफमै पाँच गोल गरेको लिभरपुलले ९–० को जित निकालेको हो।

ठूलो जितका लागि लिभपुलका छ खेलाडीले गोल गरे भने बर्नेमाउथका क्रिस मेफमले ४६औं मिनेटमा आत्मघाति गोल गरेका थिए। उनका गोलसँगै दोस्रो हाफमा गोल गर्न सुरु गरेको लिभरपुलका लागि रोबर्टो फर्मिनाले ६२औं मिनेट, फबिहो कार्बाहोलले ८०औं मिनेट र लुइसडियाजले ८५औं मिनेटमा गोल गरेका थिए

डियाजले नै खेलको तेस्रो मिनेटमा गोल गर्दै लिभरपुललाई अग्रता दिलाए। छैटौं मिनेटमा हेब्रि इलियोटले गोल गरे भने डिफेन्डर ट्रेन्ट अलेक्जेन्डर अर्नोल्डले २८औं मिनेटमा गोल गरेका थिए। पहिलो हाफमा फर्मिलोन र भर्जिल भान डाइकले पनिगोल गरेका थिए। 

‘हामीले सबै क्षेत्रबाट सुन्दर गोल गर्यौँ। हामीले यो सिजनमा सत प्रतिसत सन्तुष्टि दिने गरि खेलेका छौं। गोल सेट गोल पनि भयो। यसका लागि म धेरै नै खुसी छु,’ प्रशिक्षक योर्गेन क्लोपले भने।