काठमाडौं– टस जितेर पहिले फिल्डिङ रोजेको नेपालले केन्याबाट १३३ रनको मध्यम लक्ष्य पाएको छ। नैरौविस्थित जिमखाना क्रिकेट मैदानमा केन्याले २० ओभर खेल्दै ८ विकेट गुमाएर १३२ रन बनायो।
नेपालका लागि करण केसीले ३ ओभर बलिङ गर्दै २ विकेट, पवन सराफले तीन ओभर बलिङ गर्दै १ विकेट, दिपेन्द्रसिंह ऐरीले ३ ओभर बलिङ गर्दै ३ विकेट र सन्दीप लामिछानेले ४ ओभर बलिङ गर्दै २ विकेट लिए। बिहीबार भएको पहिलो खेलमा नेपालले केन्यालाई पाँच विकेटले हराएको थियो।