पहिलो टी–२० मा नेपाल पाँच विकेटले विजयी

काठमाडौं- जिमखाना क्लब मैदानमा जारी नेपाल र केन्याबीचको टी-२० सिरिजअन्गर्तको पहिलो खेलमा नेपालले जित निकालेको छ। केन्याविरुद्ध टस जितेर बलिङ रोजेको नेपाललाई १३१ रनको लक्ष्य प्राप्त भएको थियो। जहाँ उसले पुरा ओभर खेल्दै आठ विकेट गुमाएर १३० रन बनाएको हो।

जवाफमा नेपालले चार बल बाँकी रहँदौ पाँच विकेट गुमाएर ११३ रन बनाउँदै लक्ष्य पुरा गरेको हो। नेपालको जितमा दिपेन्द्र सिंह ऐरीले सर्वाधिक ३३ रन बनाए भने आसिफ शेखले पनि २४ रनको योगदान दिए। केन्याविरुद्ध नेपाका पवन सर्राफ एक रनमै आउट भए भने आसिफ शेखले २३ रनको योगदान दिए। तेस्रो नम्बरमा आएका ज्ञानेन्द्र मल्ल १९ रनमा आउट हुँदा रोहित पौडडेलले आफ्नो नाममा १३ रन जोडे।

नेपालविरुद्ध केन्याका व्रज पटेल र लुकास आलुओचले समान दुई-दुई विकेट लिए भने नेहेमिय आहिअम्बोले एक विकेट लिए। केन्याका ओपनर अलेक्स ओबान्डाले ६ रन बनाए भने कोलिन्स आबुयाले १२ रनको योगदान दिए। त्यस्तै, इरफान करिमले ४४ बलमा ३४ रन बनाउँदा लेल्सन ओडिअम्बोले १९ रनको योगदान दिए। सचिन बुधिया र लुकास ओलिओचले ३१ रन बनाए।

त्यसक्रममा नेपालका सोमपाल कामीले सर्वाधिक तीन विकेट गिराउँदा सन्दिप लामिछानेले दुई विकेट लिए। त्यस्तै, दिपेन्द्र सिंह ऐरी र आदिल अन्सारीले समान १–१ विकेट लिएका थिए।