चुनाव बारे छलफल गर्न एमाले स्थायी कमिटी बैठक बस्दै

नेकपा एमालेको स्थायी कमिटी बैठक बस्ने भएको छ। बैठक बिहान ११ बजे ललितपुरको च्यासलस्थित पार्टी केन्द्रीय कार्यालयमा बस्न लागेको हो।

नेपाल समय | मंगलबार, भदौ ७, २०७९

नेपाल समय

मंगलबार, भदौ ७, २०७९

चुनाव बारे छलफल गर्न एमाले स्थायी कमिटी बैठक बस्दै

काठमाडौं- नेकपा एमालेको स्थायी कमिटी बैठक बस्ने भएको छ। बैठक बिहान ११ बजे ललितपुरको च्यासलस्थित पार्टी केन्द्रीय कार्यालयमा बस्न लागेको हो।

बैठकमा मंसिर ४ गते हुने प्रतिनिधिसभा र प्रदेशसभा चुनावको तयारीलगायत विषयमा छलफल हुने एमाले कार्यालय सचिव डाक्टर भीष्म अधिकारीले बताए।

आम निर्वाचनमा एक्लै अगाडि बढ्ने निर्णय गरेको एमालेले चुनाव केन्द्रित योजना बनाउन स्थायी कमिटी, पोलिटब्युरो, केन्द्रीय कमिटी र केन्द्रीय निर्वाचन परिचालन कमिटीको बैठक बोलाएको छ।

गत साउन २६ गते बसेको एमाले सचिवालय बैठकले भदौ ७ गते स्थायी कमिटी बैठक, भदौ ९ गते पोलिटब्युरो बैठक, भदौ १० र ११ गते केन्द्रीय कमिटी बैठक तथा भदौ १२ गते केन्द्रीय निर्वाचन परिचालन कमिटीको बैठक बोलाउने निर्णय गरेको थियो।

प्रकाशित: Aug 23, 2022| 08:30 मंगलबार, भदौ ७, २०७९