एमालेको स्थायी कमिटी मंगलबार बस्दै, १० र ११ गते केन्द्रीय कमिटी

काठमाडौं- नेकपा एमालेले निर्वाचन केन्द्रित योजना बनाउनका लागि पार्टीका विभिन्न कमिटीका बैठक मङ्गलबारदेखि सुरु गर्दैछ।

आगामी मङ्सिर ४ गते हुने सङ्घीय र प्रदेश तहको निर्वाचनको ठोस योजना बनाउनका लागि पार्टीले यही भदौ १२ गतेसम्म स्थायी, पोलिटब्युरो, केन्द्रीय कमिटी बैठक र केन्द्रीय निर्वाचन परिचालन कमिटीको बैठकको आयोजना गरेको हो। 

मंगलबारको स्थायी कमिटी बैठक ललितपुरको च्यासलस्थित पार्टी मुख्यालय डाँकेको छ।

एमाले प्रचार विभागका उपप्रमुख विष्णु रिजालकाअनुसार भदौ ७ गते स्थायी कमिटी बैठक, भदौ ९ गते पोलिटब्युरो बैठक, भदौ १० र ११ गते केन्द्रीय कमिटी बैठक तथा भदौ १२ गते केन्द्रीय निर्वाचन परिचालन कमिटीको बैठकको आयोजना गरिएको छ। एमालेले अध्यक्ष केपी शर्मा ओलीको संयोजकत्वमा केन्द्रीय निर्वाचन परिचालन कमिटी बनाएको छ।

आन्तरिक तयारी पूरा गरेर नेकपा (एमाले) निर्वाचनमा होमिने योजनामा छ ।
भदौ ७ गते स्थायी कमिटी बैठक
भदौ ९ गते पोलिट्ब्युरो बैठक
भदौ १० र ११ गते केन्द्रीय कमिटी बैठक
भदौ १२ गते केन्द्रीय निर्वाचन परिचालन कमिटी बैठक आयोजना हुँदैछन् ।

— Bishnu Rijal (@bishnurijal1) August 22, 2022