काठमाडौं- पेरिस सेन्ट जर्मेन पीएसजीका स्ट्राइकर केलियन एम्बाप्पेले आइतबार राति लिग वानको खेलमा ह्याट्रिक गरेका छन्। लोइकको मैदानमा सम्पन्न भएको खेलमा एम्बाप्पेको तीन गोलसहित पीएसजीले ७–१ को फराकिलो जित निकालेको हो।
पीएसजीका लागि ब्राजिलियन फरवार्ड नेयमारले पनि दुई गोल गरेका छन्। त्यस्तै, लियोनेल मेस्सी र आचिर्फ हाकिमीले समान १–१ गोल गरे।
एम्बाप्पेले खेलको पहिलो मिनेटमै पाहुना टिमलाई अग्रता दिलाएका थिए। उनले बाँकी गोल चाहिँ दोस्रो हाफको ६६औं मिनेट र ८७औं मिनेटमा गरे। पहिलो हाफकै २७औं मनेटमा मेस्सीले, ३९औं मिनेटमा हाकिमी र ४३औं मिनेटमा नेयमारले गोल गरेपिछ पीएसजी ४–० ले अघि थियो।
दोस्रो हाफमा लोइकले एक गोल फर्कायो भने पीएसजीले तीन गोल गर्यो। यससँगै तीन खेलबाट ९ अंक बनाएको पीएसजी तालिकाको शीर्षस्थानमा छ।