विश्वस्तरीय केनसँग काम गर्न पाउँदा खुसी छु : कोन्टे

काठमाडौं- प्रिमियर लिगमा गए राती भएको खेलमा टोटेनहमले ओल्धलाई १-० ले पराजित गरेको छ। टोटेनहमका लागी कप्तान ह्यारी केनले गोल गरेका थिए। उक्त गोलसँगै केनले कीर्तिमान पनि बनाएका छन्।

प्रिमियर लिगमा एउटै क्लबबाट सबैभन्दा धेरै गोल गर्ने खेलाडी बनेका छन्। सर्जियो अगुइरोले म्यानचेस्टर सिटीका लागी १८४ गोल गर्दै सर्वाधिक गोलको कीर्तिमान बनाएका थिए, तर हिजोको गोलसँगै केनले टोटेनहमका लागी १८५ गोल गरेका छन्।

 प्रशिक्षक कोन्टेले केनको प्रदर्शनलाई प्रशंसा गर्दै उनी विश्व स्तरीय खेलाडी रहेको बताएका छन्। बीबीसी स्पोर्टससंग कुरा गर्दै उनले भने ‘हामी सबैलाई थाहा छ केन हाम्रो टिमका लागि धेरै महत्त्वपूर्ण खेलाडी हुन्। उनी वास्तवमै उच्च स्तरका खेलाडी हुन्। म उनले गरेको गोलबाट धेरै खुसी छु। उनी विश्वस्तरीय खेलाडीका साथै बहुकलात्मक खेलाडी पनि हुन्। उनी सँग काम गर्न पनि धेरै सहज हुन्छ। म केन जस्तो खेलाडीसँग काम गर्न पाउँदा निकै खुसी छु। केनले व्यक्तिगत तर्फ ठुलो उपलब्धि हासिल गरेका छन्। यो उनको लागी धेरै ठुलो कुरा हो तर हामी टिमका सबै मिलेर क्लबलाई नै उपाधि दिलाउने प्रयासमा छौ।’