काठमाडौं- जर्मन शीर्ष डिभिजन लिग फुटबल बुन्डेसलिगाको शनिबार राति सम्पन्न खेलमा बोरुसिया डर्टमन्डले वेर्डर ब्रोमेनसँग हार बेहोरेको छ। डर्टमन्डकै वेस्टफलन रंगशालामा सम्पन्न खेलमा उसले ३-२ को हार बेहोरेको हो।
खेलको पहिलो हाफमा अग्रता बनाए पनि डर्टमन्डले त्यसलाई जोगाउन भने सकेन। डर्टमन्डका लागि पहिलो हाफको स्टपेज समयमा जुलियन बेन्डिक्टले गोल गरेका थिए।
त्यसपछि खेलको ७७औं मिनेटमा रोफे गुरेइरोले गोल गरेपछि त डर्टमन्डसले दुई गोलको अग्रता बनाएको थियो। तर अन्तिम छ मिनेटमै वेर्डरले कमब्याक जित निकालेको हो।
खेलको ८९औं मिनेटमा र इज्युरी समयमा गरेर वेर्डरले तीन गोफर्काएर जित निकालेको हो। यो हारपछि डर्टमन्ड अंकतालिकाको सातौ स्थानमा छ भने वेर्डर आठौं स्थानमा छ। तीन खेलबाट सात अंक बनाएको मोन्छेनग्लाडबाख तालिकाको शीर्षस्थानमा छ।
उसले गएरातिको खेलमा हेर्था बर्लिनलाई १-० ले हराएको थियो। त्यस्तै, गएरातिको खेलमा माइन्जले २-१ को जित निकालेको थियो भने लिभरकुसनले होफेनहाइमसँग ३-० को हार बेहोरेको थियो।