रुपन्देही उद्योग संघद्वारा रोजगार सूचना केन्द्र स्थापना

बुटवल- लुम्बिनी प्रदेश सरकार उद्योग, वाणिज्य तथा आपूर्ति मन्त्रालय, बुटवल उपमहानगरपालिकासँगको सहकार्यमा सूचना केन्द्र स्थापना गरिएको हो। 

मन्त्री शाहीले दक्ष जनशक्तिलाई स्वदेशमा नै प्रयोग गर्ने वातावरण बनाउने बताए। उनले नीजी क्षेत्रसँगको सहकार्य र सहयोगमा उद्योगको विकासका कार्यक्रमलाई अगाडी बढाएको उल्लेख गर्दै उद्योग संघले सञ्चालनमा ल्याएको रोजगार सूचना केन्द्रले श्रम शक्तिलाई आवश्यकता अनुसार काममा लगाउन महत्वपूर्ण भूमिका खेल्ने विश्वास बताए।

त्यस्तै बुटवल उपमहानगरपालिकाकी उपप्रमुख सावित्रादेवि अर्यालले श्रम शक्तिको सम्मान र उनीहरुको उचित परिचालनका गर्दै स्थानीय तहमा रोजगारीको सिर्जना गर्नमा सूचना केन्द्र उपयोगी हुने बताए। कार्यक्रममा नेपाल उद्योग परिसंघका लुम्बिनी प्रदेश अध्यक्ष एजाज आलमले रोजगार सूचना केन्द्रको स्थापनाले रोजगादाता र श्रम शक्तिवीचको सम्बन्धलाई पनि मजवुत बनाउने विश्वास व्यक्त गरे।

संघका अध्यक्ष माधव प्रसाद पौडेलले देशको श्रम शक्तिको समुचित परिचालनको व्यवस्थापन गर्नका लागि रुपन्देही उद्योग संघले पुलको काम गर्ने गरि सूचना केन्द्र स्थपना गरेको बताए। उनका अनुसार सूचना केन्द्र मार्फत रोजगारदाता र रोजगारी खोज्नेहरुलाई भेट गराउने काम गर्नेछ।