दार्चुलामा जीप पल्टिँदा ५ को मृत्यु, ४ जना घाइते

धनगढी–  दार्चुलामा जीप दुर्घटना हुँदा ५ जनाको मृत्यु भएको छ भने ४ जना घाइते भएका छन्।

दार्चुलाको गोकुलेश्वरबाट सदरमुकाम खलंगातर्फ गइरहेको से १ ज ५५१ नम्बरको जीप शैल्यशिखर नगरपालिका–६ को उल्लानीमा दुर्घटनामा परेको सुदूरपश्चिम प्रदेश प्रहरी कार्यालयका निमित्त प्रमुख डीएसपी जितेन्द्रकुमार पालले बताए।

जीपमा यात्रारत ४ पुरुष र १ महिला गरी ५ जनाको घटनास्थलमै मृत्यु भएको छ। प्रहरीका अनुसार दुर्घटनामा घाइते भएका ४ जनाको उद्धार गरेर उपचारका लागि गोकुलेश्वर पठाइएको छ भने अन्य घाइतेको उद्धार जारी छ।