काठमाडौं- बागमती प्रदेशका कांग्रेस सभापति इन्द्र बानियाँले देशले खेलाडीहरुमाथि सदासर्वदा गर्व गर्न सक्नुपर्ने बताएका छन्। मलेसियामा आयोजना हुने अन्तराष्ट्रिय तेक्वान्दो च्याम्पियनसिपमा सहभागी हुने नेपाली खेलाडीको एक टोली त्यसतर्फ प्रस्थान गर्नुअघि खेलाडीहरुलाई शुभकामना दिँदै सभापति बानियाँले भने, ‘खेल भावनाले देश-विदेशलाई पनि जोड्ने हुनाले यो क्षेत्रलाई बलियो बनाउन आवश्यक छ।’
अगस्ट १८ देखि मलेसियाको कुचिङमा सारावाक बुर्नो कप इन्टरनेसनल तेक्वान्दो च्यापियनसिप-२०२२ आयोजना हुँदैछ। सो आयोजनमा सहभागी हुन चितवन तेक्वान्दोका वरिष्ठ प्रशिक्षक रोशन खानसहितको टोली मलेसियातर्फ प्रस्थान गर्दैछ। टोलीमा समूह प्रमुखका रुपमा कुमार लामा घिसिङ, खेलाडीहरु क्रमश रमेश कार्की, ज्वालसिंह गुरुङ, अब्बास खान, उमर खान र जैमर खातुम छन्।