काठमाडौं- स्पेनिला लिगमा सबैभन्दा बलियो इतिहास भएका टिम हुन रियल मड्रिड र बार्सिलोना। यदि त्यहाँको शक्तिशाली तेस्रो क्लबको खोजी हुन्छ भने त्यो हो एट्लेटिको मड्रिड।
त्यही एट्लेटिकोले सोमबार रातिको खेलमा गेटाफेलाई ३-० ले हराएर सुरुआति खेलमै तीन अंक सुरक्षित गरेको छ। जितका लागि एट्लेटिकोले पहिलो हाफमा एक गोल गरेको थियो भने दोस्रो हाफमा दुई गोल। तर, ती सबै गोलका लागि पोर्चुगिज फरवार्ड जोआ फेलिक्सले पास उपलब्ध गराएका थिए।
खेलको १५औं मिनेटमा फेलिक्सले डी बक्सको केही परबाट उपलब्ध गराएको बलललाई अल्भेरो मेराटाले पोस्टमा छिराएका थिए। त्यस्तै, ७५औं मिनेटमा मोराटाले नै गोल गरे। यसपटक चाहिँ फेलिक्सले २५ यार्ड बक्सो अगाडिबाट पास दिएका थिए। त्यसलाई मोराटाले पोस्टको दाहिनो भागबाट सिधैँ जालीभित्र प्रहार गरेका थिए।
खेलमा प्लेमेकरको भूमिकामा देखिएका फेलिक्सले जब तेस्रो पास उपलब्ध गराए त्यतिबेलाउ उनी आफ्नो कोर्टको १० यार्ड वृत्तभित्र थिए।
उनले सेन्टर लाइन छेउमा भएका ग्रिजमनलाई उपलब्ध गराएको बललाई ग्रिजमनले अगाडि बढाएर गरेको प्रहार गेटाफेका गोलकिपरले रोक्न सकेनन्। यससँगै ला लिगामा एट्लेटिकोले ३-० को जितका साथ तीन अंक जोडेको हो।
यो जितसँगै लिगको पहिलो चरण सकिँदा एट्लेटिको तालिकाको दोस्रो स्थानमा छ। शीर्षस्थानमा भने भिल्लारियल रहेको छ।
गएरातिकै खेलमा भने रियल बेटिसले १० खेलाडीमा समेटिएको एल्चेलाई ३-० गोलले नै हराएको छ।