काठमाडौं- एक गोलले पछि परेको अवस्थामा लुकास भाज्क्वेसले गोल गरेर बराबरी गरेको खेलमा रियल मड्रिडले आइतबार राति जित निकालेको छ।
अल्मेरियाको घरेलु मैदानमा भएको पहिलो खेलमा रियलले घरेलु टिमविरुद्ध २-१ को जित निकालेको हो।
१-१ को बराबरीको अवस्थाबाट रियलको जितका लागि डिफेन्डर डेविड अल्वाले खेलको ७५औं मिनेटमा गोल गरेका थिए। गोलपोस्टको माथिल्लो कुनामा फ्री किकमार्फत प्रहार गर्दै अल्वाले गोल गरेका थिए।
यो जितसँगै साबिक विजेता रियल मड्रिडले पहिलो खेलमै तीन अंक जोडेको छ।
ला लिगामै गएराति भएका अन्य खेलमा भ्यालेन्सियाले जिरोनालाई हराएको छ भने रियल सोसिडाडले कार्जिजलाई हराएको छ।