एम्बाप्पे पेनाल्टीमा चुके पनि पीएसजीको सानदार जित

काठमाडौं- फ्रेन्च लिग वानमा पीएसजीले मेन्टेपिलरविरुद्ध शनिबार राति सानदार जित निकालेको छ। खेलको २३औं मिनेटमा पीएसजीले पेनाल्टीको अवसर पाए पनि फरवार्ड केलियन एम्बाप्पले गोल गर्न चुके। यद्यपी पीएसजीले ५–२ को जित निकालेको छ।

खेलको ३९औं मिनेटमा फलय साकोले आफ्नै पोस्टमा गोल गरेपछि पीएसजीले अग्रता बनाएको थियो। त्यसपछि पीएसजीले पहिलो हाफको दुई मिनेट बाँकी रहँदा पुन पेनाल्टी प्रहारको अवसर पाये। यसपटक ब्राजिली फरवार्ड नेयमार गोल गर्न चुकेनन्।

यससँगै पीएसजी पहिलो हाफमै दुई गोलले अघि रह्यो। त्यस्तै, खेलको ५१औं मिनेटमा नेयमारले नै अर्को गोल गरे भने ६९औं मिनेटमा एम्बाप्पले। खेलको ८७औं मिनेटमा रेनाटो सान्चेजले गोल गरेपछि पीएसजीको खातामा पाँच गोल पुराएको थियो।

यता मेन्टेपिलरका लागि भने वाहबी खजारी र एन्जो जियन्नीले गोल गरेका थिए। यो जितसँगै ६ अंक बनाएको पीएसजी तालिकाको शीर्षस्थानमा छ।