बराबरीमा रोकियो १० खेलाडीमा समेटिएको बार्सिलोना

काठमाडौं- स्पेनिस शीष डिभिजनको फुटब ला लिगाको पहिलो खेलमै बार्सिलोना गोलररहित बराबरीमा रोकिएको छ। खेलको इन्ज्युरी समयमा १० खेलाडीमा समेटिएको बार्सिलोना रायो भालोक्कानोविरुद्ध गोलरहित बराबरीमा रोकिएको हो।

त्यसो त खेल अवधिभर ६८ प्रतिसत समय बलमा नियन्त्रण बनाएको बार्सिलोनाले विपक्षएको पोस्टतर्फ २१ प्रहार गरेको थियो। तर, उसका सबै प्रहार खेर गएका छन्।

यो बराबरीसँगै बार्सिलोनाले पहिलो खेलबाट एक अंकमै चित्त बुझाएको छ।

ला लिगाकै गएरातिको बाँकी खेलमा एस्पानोयलले सेल्टा भिगोसँग २–२ को बराबरी खेलेको छ। तर अर्को खेलमा चाहिँ भिल्ला  रियलले भालाडोलिडलाई ३-० ले हराएको छ। यससँगै अहिले तीन अंक बनाएको भिल्ला तालिकाको शीर्षस्थानमा छ।

ला लिगामा आज राति रियल मड्रिडले अल्मेरियाको सामना गर्दैछ। यो खेल राति पौने २ बजे सुरु हुनेछ।