ला लिगा सुरु : शनिबार बार्सिलोनाको पहिलो खेल

काठमाडौं– स्पेनिस शीर्ष डिभिजनको फुटबल लिग ला लिगा सुरु भएको छ। ला लिगाको उद्घाटन खेलमा शुक्रबार राती ओसासुनाले सेभियालाई २–१ ले हराएसँगै ला लिगा सुरु भएको हो।

पहिलो खेलमा जित निकालेपछि ओसासुनाले लिगमा तीन अंक जोडेको छ।

अब ला लिगाको पहिलो चरणको बाँकी खेल शनिबार हुनेछ। शनिबारको पहिलो खेलमा सेल्टा भिगोले एस्पानोयलको सामना गर्नछ। 

त्यस्तै, भालाडोलिडले भिल्लारियलको सामना गर्नेछ।

बार्सिलोनाले पनि पहिलो खेल शनिबार नै खेल्नेछ। उसले पहिलो खेलमा रायो भोलोक्कानोको सामना गर्न लागेको हो।

शनिबारको खेलमा कार्डिजले रियल सोसिडाडको सामना गर्न लागेको हो। यता साविक विजेता रियल मड्रिडले भने भोलि अल्मेरियासँग खेल्नेछ। यससँगै पहिलो चरणका बाँकी खेल आइतबार राती हुनेछन्।