टाइसन फुरी बक्सिङबाट टाढा रहने

काठमाडौं- विश्व बक्सिङका महान् खेलाडी टाइसन फुरी बक्सिङबाट टाढा रहने भएका छन्। उनले लामो समयको पर्खाइपछि बक्सिङबाट टाढा रहने निर्णय गरेको पनि बताएका छन्। उनले अब आफू बक्सिङबाट संन्यास लिन चाहेको पनि बताएका छन्।

डब्लु बिसीमा अहिलेसम्मका अपराजित हेभिवेटतर्फका ३४ वर्षे च्याम्पियनले अब संन्यास लिने बताएका हुन्। उनले गएको अप्रिलमा डिलियन ह्वाइटसँग अन्तिम पटक खेलेका थिए।

तर गएको मंगललबार उनलाई आफ्ना साथी डेरेक चिसोराले ट्रिलोगी फाइटका लागि स्वीकार गर्नका लागि अनुरोध गरेका छन्। तर उनले पछिल्लो अप्रिलमा भने एन्थोनी जोसुवासँग फाइट गर्ने बताएका थिए। तर केही अवस्थाहरू मिलेको अवस्थामा मात्र उनले फाइट गर्ने बताइएको थियो।

‘मेरो ३४औं जन्मदिनमा म आफैंलाई शुभ यात्रा भन्न चाहन्छ,’ उनले सामाजिक सञ्जाल ट्विटरमा लेखेका छन्।

‘सबैलाई धेरै धेरै धन्यवाद दिन चाहन्छु, जसले मेरो धेरै वर्षको क्यारियरमा सहयोग गरेका थिए। लामो वार्तालापपछि मैले मैले अन्तिममा यसबाट अघि बढ्ने निधो गरेका छु,’ उनले लेखेका छन्। फुरी अप्रिलमा विजेता भएपछि उनले आउँदो दिनमा के गर्लान् भन्ने आशंका गरिएको थियो।