अभिनेता अनुपम श्याम रहेनन्

बलिउड तथा टेलिभिजन क्षेत्रका चर्चित अभिनेता अनुपम श्यामको ६३ वर्षको उमेरमा आइतबार निधन भएको छ। उनी लामो समयदेखि मिर्गौलाको समस्याबाट पीडित थिए।

नेपाल समय | सोमबार, साउन २५, २०७८

नेपाल समय

सोमबार, साउन २५, २०७८

काठमाडौं- बलिउड तथा टेलिभिजन क्षेत्रका चर्चित अभिनेता अनुपम श्यामको ६३ वर्षको उमेरमा आइतबार निधन भएको छ। उनी लामो समयदेखि मिर्गौलाको समस्याबाट पीडित थिए।

मुम्बईको गुरगाउँस्थित लाइफलाइन अस्पतालमा उनको उपचार भइरहेको थियो। ‘मनकी आवाज प्रतिज्ञा’ सिरियलमा ठाकुर सज्जन सिंहको भूमिकाबाट उनी चर्चित बनेका थिए।

चलचित्र निर्माता अशोक पण्डितले सामाजिक सञ्जालमार्फत उनको निधनको जानकारी दिएका छन्। मल्टिपल अर्गान फेलियरका कारण उनको निधन भएको बताउँदै पण्डितले चलचित्र र टिभी उद्योगलाई ठूलो क्षति पुगेको बताएका छन्।

गत वर्ष अनुपम श्याम बिरामी भएर अस्पताल भर्ना भएपछि उनका भाइले आर्थिक अवस्था कमजोर भएको बताउँदै आर्थिक सहयोगका लागि आग्रह गरेका थिए।

अनुपम श्याम चलचित्रमा धेरैजसो नेगेटिभ रोलमा देखिन्थे। उनले स्लमडग मिलेनियर, ब्यान्डिट क्विन, शक्ति, हल्लाबोल, पानसिंह तोमर, लगान, लज्जा, दुश्मन, सत्या आदि चलचित्रमा अभिनय गरेका छन्।

प्रकाशित: Aug 09, 2021| 07:13 सोमबार, साउन २५, २०७८