एजेन्सी–क्रोएसिया तथा युभेन्ट्सका स्टार खेलाडी मारिओ मान्डुज्कीचले म्यानचेस्टर युनाइटेडको प्रस्ताव अस्वीकार गरेका छन् । उनले युनाइटेडसँगको तलबको बिषयमा कुरा नमिले पछि प्रस्ताव अस्वीकार गरेका हुन् ।
यस अघि युनाइटेडका प्रशिक्षक जोसे मोउरिन्होले उनको तलब एक सिजनमा ३.५ मिलियन युरो देखी ५ मिलियन युरो सम्म बढी कमाउन सक्ने प्रस्ताव गरेका थिए । क्रोएसियाका फरवाड मान्डुज्कीचलाई क्रिस्टियानो रोनाल्डोको आगमने कुनै प्रभाव नपर्ने बताए पछि उनी युभेन्ट्समै बस्ने भइका हुन् ।
यसअघि उनी युनाइटेड जाने हल्ला चलेको थियो । हालै मात्र मोउरिन्होले मान्डुज्कीचको आगमनले टोली बलियो बन्ने र अन्ये टोलीलाई चुनौती दिनसक्ने क्षमता भएको खेलाडी बताएका थिए ।
तर, अहिले अन्तराष्ट्रिय सञ्चार माध्यमका अनुसार उनी ओल्ड ट्राफोर्ड जाने सम्भावना कम भएको खुलेको छ । ३२ बर्षीय मान्डुज्कीचले हाल टुरीनमै बस्ने बताएका छन् ।
उनी २०१५ मा एथलेटिको मड्रिडबाट युभेन्ट्स पुगेका हुन् । उनले युभेन्ट्सबाट सिरी–ए का तीन सिजनका ९२ खेलमा २२ गोल गरेका छन् । २००७ मा क्रोएसिया राष्ट्रिय टिममा डेव्यु गरेका उनले राष्ट्रिय टिमबाट ८९ खेल खेल्दै ३घ गोल गरेका छन् ।
प्रकाशित: Dec 31, 2017| 18:23 आइतबार, पुस १६, २०७४